【Viu】430就係一年一度嘅姜濤誕喇！官方後援會今年舉辦《23+1 Keung To 生日愛心應援》，分別喺銅鑼灣同尖沙咀商場「Keung To 430 生日嘉年華」同埋「Keung To 430 甜蜜蜜Café」，有得玩有得食，真係開心返埋嚟呀！除咗兩個商場應援，FC仲準備咗「姜濤電車」同埋銅鑼灣戶外廣告板，超有心呀！
姜糖Zimmy同囝囝Marquis、媽咪Cat、囡囡Caitlyn同姨媽Noel齊齊向姜糖送上祝福，仲話睇到偶像喺西九音樂節盡全力表演，感動到喊，希望佢身心健康快樂！
此外，Fatboy喺社交平台上載同姜濤做Sit up嘅短片，仲搞笑叫扯晒蝦嘅徒弟姜仔做多啲！
