【Viu】Ranya李敏繼《野人老師》同Stanley拍完戲之後，再喺新劇《季前賽》入面飾演Edan家姐，計埋之後嘅《大誠實家》同Alton做一pair，幾乎套套劇都同MIRROR合作咁滯，搞到身邊嘅朋友都勁羨慕佢呀！講到喺《季前賽》入面既關家姐，雖然成日惡死能登鬧人，但其實好錫細佬Edan，Ranya仲大讚Edan演少爺仔入型入格添！對比片場咁多個型男，Ranya話姜濤最符合佢嘅擇偶條件，作為一個大姐姐，識揀梗係要揀小鮮肉啦！有「Ran爺」之稱嘅Ranya性格爽直豪邁，一路以嚟多數飾演女強人，原來佢好恨做啲少女角色，演有公主病嘅娘娘呀！
