【Viu】Feanna黃淑蔓噚晚現動畫《鈴芽之旅》嘅首映禮，上年8月畢業後正式成Full time歌手，但佢話最遺憾係參加唔到畢業典禮。佢透露近呢年默默努力學唱歌、學跳舞、又去韓國Training，好快就會出跳唱新歌，希望學習到Joyce跳舞時份自信！Feanna「投訴」被Jay Fung激嬲，搞笑以自薦做對方紅館騷嘉賓嚟交換「原諒」做條件，唔知成唔成功呢？
細貓早前為應智贇獻出處男銀幕作，客串《超神經械劫案下》，佢自豪表示係香港第一藝人演河童，簡直係最爆、最冇包袱角色！話晒都咁大犧牲，細貓笑話片酬有哥哥「錫住」嘅！另一部賀歲片《毒舌大狀》史無前例破1億票房，Adam栢天男早前post「着褲」找數諗住側側膊，被踢爆後佢笑話會再開live派福利，至於會唔會超越阿Dee當眾除褲、又會唔會係子華神所提議嘅泳褲相？Adam話由fans決定，咁大家識做啦！
