【Viu】仲有幾日就係「細貓」應智越舉行處男騷嘅大日子！今日佢就進行band rehearsal，班fans仲好sweet咁送上飲品、生果、蛋糕為偶像打氣！
細貓指心情既興奮又緊張，仲有少少不知所措嘅感覺，因為最近工作量突然大增「開心忙」，除咗籌備演唱會之外，出新歌、拍MV、拍廣告、客串電影一次殺埋身，所以都冇閉關時間，雖然對唱歌都好有信心，但自覺排舞次數都係唔夠，唯有喺工作之間抽時間練舞，甚至夜晚再約排舞師，不過就真係冇時間做gym，搞笑話唔夠老友Roberto揪！講到佢8月底曾「中招」，問到有冇確診後遺症？細貓話慶幸冇，只係一開初感覺似哮喘，身體健康迎接處男騷呀！
