【Viu】Jade關心妍去年6月開完紅館騷，相隔唔夠一年，嚟緊4月就再踏紅館台板舉行演唱會，不過並唔係開個唱Part 2，反而係搞慈善音樂會，認真有愛心！今次Jade唔單止零歌酬開騷，仲碌埋人情卡請嘉賓，Jade雖然冇劇透嘉賓名單，但就預告今次嘉賓人數多，大家到時可以睇到佢哋唔同嘅crossover！其實今次要親力親為搞慈善騷，Jade都坦言壓力大過上次，但呢份壓力係開心嘅，事關成個團隊都係帶住愛去籌備，幾忙幾攰都值得啊！
另外今次阿女心心都會上台表演，但由於心心上次打筋斗打得太出色，今次要突破自己都有啲難度啊！講到心心最近熱愛打籃球，Jade就話有得諗，可以考慮到時表演，會sell下阿女！
