【Viu】電影《燈火闌珊》嘅監製陳心遙、導演曾憲寧、張艾嘉同周漢寧噚日專程去深水埗南昌街同霓虹招牌合照。事緣套戲係講香港嘅霓虹燈嘅故事，呢個大押嘅招牌喺戲入面出現過，嚟緊亦面臨清拆嘅命運，所以佢哋就把握機會留個紀念。張姐話以前香港好多霓虹燈，見到咁多招牌要拆都好唔捨得。
張姐亦憑住呢套戲入圍今屆金像獎，有望繼金馬影后之後再下一城，不過佢就話演員只要演好部戲，觀眾鍾意就得。而阿寧亦角逐金像獎新演員，其他入圍嘅有呂爵安、柳應廷同林諾，佢話戲已經拍完都冇得再努力，都係等待結果，仲大讚其他對手都好好添，真係好謙虛。
