【Viu】許光漢、柯佳嬿同施柏宇噚晚出席電影《想見你》嘅元宵宣傳活動，除咗喺天燈寫願望應節外，仲錄製元宵祝福俾Fans，相當Sweet！適逢元宵佳節，三人都話想食湯丸，但柯佳嬿就忙到未同老公坤達講「元宵節快樂」喇！而許光漢同施柏宇就分享浪漫Tips，許光漢更笑言如果女友要求，直接送200萬也可以，好Man呀！
來港兩日嘅「鳳南小隊」，即席晒廣東話，又話前一晚喺首映見到黃百鳴好開心，柯佳嬿同許光漢即刻諗起《家有囍事》同《開心鬼》系列，但年紀最細嘅施柏宇就話，第一套睇嘅港產片係《少林足球》，條代溝都唔細喎！
