【Viu】台灣神劇《想見你》熱潮一直高漲，除咗連韓國都翻拍外，原班人馬主演嘅《想見你》電影版仲喺各地上映，完成韓國宣傳後，三位主角柯佳嬿、許光漢同施柏宇，今朝10點抵港宣傳，吸引過百港迷接機，香港的「許太太」更自稱是「漢寶」，準備咗應援物同親筆信接機，好有心呀！
「鳳南小隊」出閘後，大方畀傳媒拍攝，仲不時同Fans揮手，期間許光漢禮讓柯佳嬿企中間；高大威猛嘅施柏宇則負責開路，相當有愛！三人今日會進行連串訪問同謝票活動，晚上會喺尖沙咀出席首映禮，聽晚亦會喺銅鑼灣出席活動，陪各位「許太太」同「施太太」過元宵，各位港迷真係幸福喇！
