【Viu】Ivana孖「樹妮妮」Serrini噚晚齊齊化身精靈唱爆會展舞台，俘虜全場fans嘅耳仔！前者謙稱「唔識講嘢」，所以大部分嘅時間都係以歌說故事，又有晒琴技；相反後者喺言行舉止各方面都相當鬼馬，先搞笑扮Ivana陰聲細氣講嘢mode，唱到新歌《樹仔》嗰陣拉住道具白馬遊走舞台，簡直係力的表現呀！Serrini仲自嘲原意係想拖住白馬王子出嚟，但依家感覺變咗拉頭馬，係咪搞事先？
當唱完《我在流浮山滴眼藥水》，Serrini自爆唱唱吓有一刻feel到爭啲hold唔住淚水，並透露當年呢隻歌係寫畀個男仔，然後9秒9利申唔係對個男仔仲有feel，對方已經結咗婚，佢話只係突然被自己嘅作品感動：「唔係傷痛、損失，了解自己都幾好，人不在、歌還在！」全場即刻拍爛手掌！
