【Viu】AK@MIRROR、吳千語同Shirley陳欣妍今日出席《忽然心動》宣傳活動，忙住拍《打天下2》嘅AK話希望可以抽多啲時間謝票啊！被問到擔唔擔心會被差唔多同期上映嘅《過時·過節》分薄票房，AK就話相信觀眾兩齣電影都會支持嘅，而講到如果票房高收會唔會派福利，AK就即刻鬼馬咁問兄弟Edan、Anson Lo有咩表示先，最後AK都鬆口答應派福利：「少少肉啦！」，但一聽到Shirley肯派福利，佢就即刻將呢個重任交畀對方！真係笑死！
對於最近有報道指AK喺903 All Star籃球賽，因為爭位發脾氣兼鬧隊友Anson Lo，AK解釋其實當日並唔存在位置問題！
另外提到《打天下2》嘅拍檔談善言整傷韌帶一事，AK表示當時佢都在場，亦有關心對方傷勢！至於新劇《繩角》入面嘅搞笑對白，原來係佢哋一班兄弟即場度出嚟㗎！
