【Viu】 Kendy Suen孫曉賢聯同mansonvibes張進翹、Zeno顧定軒、Jaime張天穎，噚晚喺麥花臣舉行音樂會，唔少圈中好友都嚟捧場，包括鄧麗欣、梁祖堯、Jace陳凱詠、小薯茄嘅麗英、童童等，不過最矚目嘅一定係好耐冇見嘅Shirley關淑怡，佢都有嚟睇足全晚！完騷後仲入後台同四位後輩影相，鼓勵佢哋要繼續努力唱好音樂，得到大前輩嘅加持，幾位年青人都話有啲受寵若驚啊！唔知Shirley聽完佢哋重新演繹嘅《萬福瑪利亞》，係咪都好滿意呢？由《全民造星III》開始，Zeno同mansonvibes呢對BL組合一直深受大家喜愛，噚晚音樂會佢哋終於再度合體合唱《弱水三千》，令現場歌迷都非常興奮啊！
