【Viu】4位獨立音樂人Manson 張進翹、Zeno顧定軒、Kendy Suen孫曉賢以及Jaime張天穎，嚟緊10月12號就會喺麥花臣開騷，Manson表示今次開騷除咗會唱自己作品之外，佢哋都會互唱大家嘅作品，希望俾到新鮮感觀眾！佢仲話雖然大家曲風好唔同jam歌嗰陣發現大家其實好多共通點，經過今次合作都越嚟越了解對方，好有火花！Zeno見到Manson講到咁鬼感性，就即刻講笑問佢要唔要紙巾，果然係喺造星III表演過BL純愛故事嘅兄弟啊！
講到今次音樂會嘅VIP飛，一開賣5分鐘已經秒速售罄，認真犀利！Jaime仲自爆連佢90歲嘅嫲嫲都有特登買飛支持，真係勁sweet啊！而Kendy就表示fans同朋友嘅支持，令佢信心大增。另外除咗音樂會，佢地4位都有新作輪住同大家見面，記得要支持啊！
