【Viu】教主Anson Lo同豬仔Jeremy喺首爾玩咗兩日就走啦！今朝韓國時間五點幾天都未光晒，佢哋就搭的士去金浦機場，準備出發飛日本東京繼續玩。而家韓國嘅天氣已經涼浸浸，今朝早最低溫度得7度，所以Jeremy已經著晒冷衫同大褸，不過教主呢個大隻仔依然著得好單薄呀，淨係一件開襟冷衫連打底都冇，露出一大片白滑心口，真係要提醒佢要好好注意保暖唔好凍親啊！佢哋各自完成Checkin之後，教主就join埋Jeremy一齊行上二樓離境大堂，喺電梯口人多擠逼一度有啲慌亂，仲有人唔小心跌倒，教主同Jeremy見到，即刻第一時間衝上去關心，連途人見到都忍唔住讚佢哋係超級暖男啊！
