【Viu】萬眾期待MIRROR今年嘅第一首派台歌《Innerspace》，噚晚 MV上架半日已經衝破35萬點擊，天團果然勢不可擋啊！今次新歌亦有別於以往嘅團歌，第一句係由12位鏡仔一齊大合唱，突顯「12-1=0」嘅概念，一開口就Feel到團魂喇！聽隊長Lokman講，今次MV拍咗足足兩日，一日拍Mood Shot，另一日就主力拍跳舞部分。 MIRROR嘅舞蹈出咗名複雜，今次實行將難度再升級，唔單止喺激光中跳唱，仲要喺水池勁舞搞到成身濕晒，簡直係挑戰體能既極限！而且今次MV仲加入大量迷幻特效，成功塑造出歌曲強調嘅宇宙虛幻感！不過MV中型仔嘅黑色皮衣造型，就俾ERROR副隊長阿Dee喺IG出Story，合理懷疑鏡仔呢身Look係向佢嘅經典造型skin致敬，又真係幾似喎！連民調結果都一面倒撐Dee哥㗎！其實佢都係講吓笑啫，主要係幫手宣傳呀嘛！
