【Viu】 微辣一姐Rachel劉藴晴孖混血型仔Roberto 馬檇鏗，喺九展舉行一連4場香港站處男處女音樂會，噚晚頭場呀！Rachel同Roberto果然係微辣嘅唱歌擔當，把聲真係世一。全晚佢哋唱咗好多正歌，最難得係唱埋未出街嘅新歌 《未接來電》 、《SNEAKY LOVE》，而Roberto唱到名曲《ICEDREAM》 嗰陣仲興奮到除衫騷肌添！小編只能講句正呀！
而噚晚嘅嘉賓有陳柏宇，佢同Rachel合唱《理智與感情》，堅係sell唱功呀！而微辣嘅霍哥同導演卡特全晚就喺台下表現興奮，當Rachel唱歌時，身為男友嘅卡特又揮手又尖叫，真係要俾足200分佢呀！
