抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
ViuTV節目《晚吹─有酒今晚吹》請到方力申 (小方) 擔任嘉賓，與主持吹足一晚，無所不談。其中一個話題，當然係小方嘅感情生活，幾杯落肚嘅小方自爆已單身5年，直指好多緋聞都「假到黐線」。
節目噚晚 (26日) 播出第124集，方力申做嘉賓同主持品嘗威士忌，酒只係伴碟，傾偈吹水先係主菜。主持之一練美娟 (娟姐) 八卦小方啲緋聞，質疑點解佢特別多，小方解釋因為自己無後台、無公司，所以傳媒落筆報道佢時係「唔會驚你」。
42歲嘅小方坦言好多傳媒朋友都非常關心佢，始終喺適婚年齡，大家自然會想知佢感情狀態。豈料此話一出，即被娟姐笑指其實已過適婚年齡。小方如被當頭棒喝，明白點解玩交友App，但反應冷淡，「心諗點解無人like我嘅？原來因為佢哋無調到對象係40歲以上。」娟姐就對於小方有玩交友App大感錯愕。
最後，小方透露擇偶條件只有一個：「如果你喺我個腦入面，你就喺我心入面。如果我識一個人時候，見到一樣嘢就會諗起佢嘅話，就即係鍾意佢。」被問會否介意另一半係外國人，小方直言完全唔介意。
Photo / ViuTV
