【Viu】Jay Fung 馮允謙今日出席音響品牌活動，搞笑話好似置身喺天堂咁，雖然好想投資貴喇叭，但呢刻最急切係儲「老婆本」，隨即興奮宣布好消息，就係未婚妻將於月底飛香港，事隔年半終於再聚，原來係被Jay Fung一句「為咗我哋將來」所打動，難怪佢咁hyper啦！
為迎接未婚妻嘅來臨，Jay Fung百忙之中都專登向公司請一個星期假做跟得未婚夫，仲靜雞雞透露準備咗個小驚喜添！所以最近不停趕schedule、錄新歌、還歌債，希望月底可以全面「交人」咁話，同時不忘預告新歌或快將推出！另外，講到佢最近擔任小薯茄麥花臣騷嘉賓，Jay Fung坦言收到邀請好Surprise，想反邀請番麗英寫歌合作，亦想自薦拍「雪櫃冷笑話」搣甩「廣東話黑洞」之名！
