【Viu】花姐同ERROR正副隊長梁業（肥仔）、何啟華（Dee哥），今日出席《全民造星V》記者會，會上宣佈花姐唔做監製，同埋派出MIRROR正副隊長Lokman、AK去溫哥華；肥仔同Dee哥去吉隆坡做「星探」，衝出香港揀仔呀，難怪花姐心情大靚啦！ERROR會為吉隆坡之行苦練國語，仲揚言想出港普歌，但講到評審準則，肥仔就笑言要高過193、矮過自己，可以承傳返ERROR條「高度Curve」就最完美喇！Dee哥都話一定唔會揀威脅到自己地位嘅靚仔，又大呻冇份拍《I SWIM》，叫花姐開套《I don’t swim》畀佢，認真搞笑！
至於花姐就話MIRROR演唱會排練唔算辛苦，午夜前就會放鏡仔返屋企休息，仲幫Ian平反黑面傳聞，又解釋Jeremy嘅出歌進度，連Edan喺《I SWIM》嘅表現都講埋，花姐真係好忙呀！
