【Viu】Anson Lo新歌《King Kong》嘅MV上架未夠兩星期，點擊已經突破300萬，認真犀利！噚晚教主仲將MV幕後花絮post咗上網，條片足足有成18分鐘，開心死一班神徒啦！今次係教主首次挑戰執導MV，佢都覺得有種瞻前顧後嘅感覺，仲話過程係攰嘅，不過就係一個好好嘅學習機會！喺MV入面教主再要挑戰打鬥場面，而練習嗰陣，睇見演員嘅示範，教主都忍唔住瞪大隻眼，講咗句「What？」，估唔到咁跳得嘅教主都會被考起喎！而另一個場口，教主要喺沙地上爬起身，搞到隻手都磨損咗，最終要由工作人員幫忙噴液態膠布，不過教主見到就即刻變晒樣，一噴落去，教主仲大叫咗一聲添，真係心痛死神徒啦！
花絮亦見到教主可愛嘅一面，放飯嗰陣，佢突然心血來潮話想教大家唱新歌，點知唱咗一句之後已經唔記得歌詞，真係太可愛喇！
