【Viu】 教主 Anson Lo相隔三個月，噚日推出第9首Solo歌《King Kong》，除咗繼續參與創作rap詞部分，佢仲首次擔任MV導演添呀！不過佢話壓力山大喎，發現做導演好多嘢都要顧及，除咗要顧及Storyline（故事情節），仲要顧及幕後製作，例如Rundown（流程），或遇到困難時，要調度拍攝次序，甚至演員演繹方法、情緒，導演都有責任去講，去主導呢件事。今次係一個驚慌嘅經歷，因為佢發現自己好多嘢都唔識，所以係一次好好嘅學習經驗！而且大家都知MIRROR係冇夏天嘅，教主今次竟然有突破噃！為咗MV騷出大麒麟臂，更滿身傷痕，不再青靚白淨，但係一樣充滿男性魅力，真係型到啲神徒嘩嘩聲呀！
