【Viu】「宅男女神」鄧月平（Larine）着超deep V晚裝拍攝卡片廣告，今次仲係由佢自組嘅工作室首次包辦製作，酬勞方面Larine笑話都足夠養活員工一段時間嘅，所以係好開心！早前因為拍MV狂減5、6kg，相比起Larine兩年前體重飆升至65kg，依家42kg真係瘦足兩個碼！難得keep fit成功，佢都話希望可以維持住呢副靚body之後拍電影。
講起上月喺中環拍《夜》MV嗰陣有醉漢誤闖，Larine指當時好擔心，因為對方一嚟就行埋去同佢講嘢，之後仲轉移陣地入更衣室，男經理人見狀就即刻幫手移開啲衫，但最後都要報警處理。
