姜濤自編自導十胎傳遞反戰信息 MV製作龐大屬MIRROR之最

【Viu】姜濤喺4月30號23歲生日正日，推出十胎《作品的說話》，新歌MV製作龐大，除咗動員過百演員同Dancers，仲加入電影級CG特效，可以話係MIRROR有史以嚟，無論團歌定隊友solo，拍過最重本最大陣仗嘅MV！

而且今次MV亦係姜濤繼《孤獨病》後再次執導演筒，成個MV都由佢自編自導自演！而且今次新歌亦非常貼近時局，以反戰作為主題，原來因為姜濤最近睇到一啲關於戰亂嘅相，令佢有好深體會，希望藉住歌曲傳遞Love and Peace嘅訊息呀！