【now.com】吳業坤（坤哥）一個甚麼都不是的毒男，雖然在歌唱比賽中獲得半點名氣，可惜不足以讓唱片公司認同，覺得他值得擁有一首屬於自己的歌曲，於是他的歌手夢只能在零成本的網絡上默默經營，以為就此以業餘身份地唱到終老，正職是繼續在各大劇集演其死黨一、細佬B和司儀丙，甚至在台慶扮一隻棋也無所謂。結果這一步原來就是一生，觸動到他一直以來所累積的粉絲神經，紛紛上網替偶像不值，本是忍辱的一步，卻成就往後負重的路。
獲唱片公司賞識，有機會出碟，結果歌曲爆紅，獨攬所有新人獎，再摘下「我最喜愛男歌手」及歌曲獎，自此話要幫坤哥開個唱之聲不絕於耳。這麼戲劇性的人物，一定要有個戲劇性的舞台去承載。出道一年，便踏上紅館，對上一位有此能耐的已是2005年出道的側田，一年後便登上紅館。10年後，坤哥重踏這條路，不過他更誇張，側田假假地都在上紅館前出過兩張專輯，至於坤哥至今就只有一張EP和籌備中的大碟，歌曲數量比前輩更罕，難怪網民建議他當晚可以無限Loop《原來她不夠愛我》，以及轉個字唱另一個版本︰《原來他不夠愛我》、《原來牠不夠愛我》和《原來它不夠愛我》。
坤哥的成功在於夠貼地，跟粉絲交流無間，為將這份親民感覺帶上舞台，日前出街的演唱會海報便以一部最本土最地道的紅Van做背景，目的地寫上「紅磡」，似要以80咪高速載這位仁兄直奔紅館！概念夠親民，但更親民是票價，當一眾韓星起標價都千千聲，郭富城奪影帝後唔加片酬加歌酬賣$980，得個知字完全買唔到飛的鄭秀文要$780，坤哥一反通脹，回到10年前的生活指數，以「友情價」由$180起標，最高都只係去到$480，而且平價門票唔係得個寫字，足足有10行約4000個俾大家選購，結果門票昨日在網上搶先預訂，$480及$380兩小時內掃光，更一度出現網路擠塞。
行內人都知，紅館個唱，搞一場根本連製作費都未回皮，仲要以平票價招徠，又冇做大量內部認購，這一次肯定要蝕住做。不過這個回饋樂迷的舉動，根本就是一場最好的市場宣傳策略，始終賺錢容易賺人心難。莫非大家已忘記了今年的黎明個唱，據知他到頭來都要蝕錢埋單，不過賺到的卻是無價的形象，呢張單值得埋。其實坤哥的命格好可能就係「蝕頭賺尾」命，今日蝕粒糖，他朝贏間廠啦！這道理坤哥至明白。
文：余建
〈娛樂乜乜乜〉逢星期一至五刊登
將每日的娛樂熱話，以全新角度為大家點評，大膽假設，細心求笑，希望滿足到去到邊度都好鍾意睇娛樂新聞的你。
專欄屬作者個人意見，不代表本網立場
