【now.com】闊別香港電視圈多年的林保怡，今日出席ViuTV節目發佈會時笑言：「啲街坊成日問我唔拍電視喇？我又唔想解釋得好詳細，所以我都呃佢哋話我退休喇。不過我而家返嚟喇，希望大家會留意我嘅演出啦。」
他將和周家怡拍攝開台劇《瑪嘉烈與大衛》，大讚劇本是最吸引他加入的原因：「佢哋畀原著小說我睇先，我平時睇劇本定書都好眼瞓，但呢本小說好吸引我，我一得閒就睇，一得閒就睇。加上愛情故事亦都係我新嘗試，成日做警察啊、醫生啊，所以今次對我嚟講係大挑戰。」
林保怡又大讚拍攝團隊夠新鮮感：「我知佢哋係新導演，佢哋攞嘅鏡頭好超乎現實，我拍咗一晚，好合我意。我問過導演點解你將啲主角塊面crop三份一，佢哋個理由又好合理，好啱我心意，我哋將來一定有好好嘅火花，所以就同佢地合作。」
他又透露原本想唱埋主題曲：「我好鍾意個主題曲，初初我本來有諗過唱，但當我聽到而家個版本，我覺得加埋我落去會破壞整首歌，所以都係唔好喇。」
林保怡「復出」喇！
林保怡大讚劇本和拍攝團隊。
唔知保怡加家怡會有咩火花呢？
採訪：何愫盈
攝影：馮翠怡、何愫盈
