【now.com】ViuTV下月6日開台，開台劇《瑪嘉烈與大衛》早前曾請來邵仲衡、柳俊江等人拍攝，已經放了十多集在網上播放，ViuTV另外請來林保怡和周家怡拍攝《瑪嘉烈與大衛》的電視版，半小時一集。
周家怡由無綫跳到港視，再到ViuTV，成為首位過檔3個台的藝人，她笑言：「我個人真係唔安於現狀啊！」不過她就拒認做一姐：「人地咁講好尷尬，我從影以來冇諗咩一姐、二姐，淨係做好自己。嗰時離開TVB去HKTV，人哋又話一姐，其實有壓力㗎，我比較想做一個勤力、可以有機會、有錢搵、演技又有得進步嘅演員。」
她指今次過檔原因是被劇本和林保怡吸引，她大讚對方：「佢係非常好戲嘅人，以前合作都好開心，同佢對戲好交到戲。」另外她又讚劇情夠「貼地」又有真實感，希望引起大家共鳴，又指知道起用新導演拍攝，想嘗試新拍攝手法。
ViuTV主打實況娛樂，《跟住矛盾去旅行》和女子MMA格鬥節目都是重點推介，家怡話唔敢挑戰MMA：「格鬥我一定比人打先，但如果你打我我又一定會還手，不過我錫身，應該唔會拍喇。」反而好想同個「死敵」去旅行：「或者同梁振英去旅行啦，我見佢今年冇出埠嘛！使唔使出吓埠呢？見佢年年新年都出埠，今年又冇，當陪吓佢囉。」仲寸爆表示要搵個翻譯同行：「因為我成日都聽唔明佢講咩嘅，你知佢講嘢成日都要估㗎嘛！」
林保怡和周家怡在《瑪嘉烈與大衛》電視版中飾演情侶。
周家怡話想同梁振英拍《跟住矛盾去旅行》！
仲寸爆梁振英：「我見佢今年冇出埠嘛！」
家怡成為首位過晒3個台的藝人！
採訪：何愫盈
攝影：馮翠怡、何愫盈
想知ViuTV 99台有咩睇？去呢到
