【now.com】明年4月開台的免費電視台ViuTV，「V」代表著「View」和「Video」，「i」和「u」就是「我與你」，象徵著ViuTV的核心就是人。
其自家製的節目內容以實況娛樂為宗旨，其中一個實況娛樂節目就是《跟著矛盾去旅行》，將兩名大欖扯唔埋的人組成一隊去旅行，當中包括《100毛》創辦人林日曦配立法會議員蔣麗芸、戴夢夢配邵音音、連詩雅配葉蘊儀等。
在發布會中，大會播了一小段林日曦和蔣麗芸去旅行的花絮，兩個可謂看對方不順眼的人，一齊去旅行，會有幾多磨擦呢？
在片中，蔣麗芸率先評價對方：「佢個樣好唔開心，好似好憂鬱咁，我唔知佢有咩悲哀。」另外又看到工作人員問林日曦：「成個trip完全唔同佢講嘢？」林日曦堅定地答：「唔講啊。」之後兩人終於碰面，林日曦抵死地叫工作人員傳話：「幫我同佢講早晨。」蔣麗芸即時都有回佢一句「你好」，不過鏡頭一轉，蔣麗芸在訪問時就似乎有點不滿話：「佢唔識講廣東話架咩？林日曦！」
蔣麗芸之後又話：「都唔知點同啲後生仔溝通！」呢句說話對林日曦來說似乎難聽過粗口，即刻掩耳擰歪面，並相當不滿話：「一嚟就話要分開，大人、細路仔，唉！」仲要求分車坐，搞到工作人員頭都大晒！唔知去到旅程最後，佢哋有冇破到冰呢？咁就要等下年4月開台先知喇！
林日㬢同蔣麗芸去旅行的節目叫《跟著矛盾去旅行》。
蔣麗芸話林日㬢個樣好唔開心，咁佢係「黑面腦細」嘛。
林日曦叫工作人員幫手做傳聲筒。
請自行配音～
兩個開頭擺明貼錯門神，唔知去到最後一日感情有冇突飛猛進呢？
