唔知幾時可以睇到周嘉儀拍劇呢？
【now.com】幾十位有份為ViuTV拍攝節目的藝人，如邵仲衡、葉蘊儀、前新聞小花周嘉儀、前體育主播伍家謙、柳俊江、邵音音等等，昨晚現身ViuTV發布會會場。
早前一度傳出周嘉儀會擔正為ViuTV拍開台劇，但被其任職的證券公司反對。昨晚她和邵仲衡一同受訪時，邵仲衡都對她說：「你就真係應該拍劇啦！」不過嘉儀就話：「未有機會住，睇吓將來會唔會有機會合作，今次都可惜。」
問她本人想唔想拍？她說：「我諗依家暫時唔考慮住，因為要顧及返我自己證券公司嘅工作，考慮到需要一段長時間，暫時唔會喇，反而綜合或財經節目都希望有多啲機會合作。（公司唔比？）同公司溝通過有共識，專注做好金融方面先啦。」似乎公司真係落晒閘，不過她表示有為一個口才節目做評判，仲大讚絕對係香港好新類型的節目。
咁不如你又評吓舊同事，近期人氣爆登方東昇的口才吖？嘉儀即笑言：「應該唔使我評啦？大家對呢個節目都好評如潮，佢係好風趣幽默嘅師兄，睇佢節目有資訊性得嚟又好有娛樂性，好欣賞！」
唔知幾時可以睇到周嘉儀拍劇呢？
邵仲衡都叫周嘉儀拍劇～
