【MOBILE】香港人番工時間長，放工後當然想爭取時間休息，但往往家頭細務先係最煩瑣既工作。所以繼自動洗碗機成為家庭和諧機後，TP-Link 都進軍智能家電市場，推出家庭和諧神器 – 智能掃拖機械人。TP-Link 更一口氣推出5款不同定位的掃拖機械人，適合吾同家庭環境。今日我就以Tapo RV30 系列做一個示範，等大家可以了解多D 掃地機械人的原理。
基本上，就吸塵嘅原理上，掃拖機械人同傳統吸塵機都係透過摩打轉動風扇，製作氣壓吸附灰塵同碎屑到塵盒內，所以吸力就致關重要。
所以Tapo RV30就採用左市場上同級最高標準的4200Pa超強吸力，比起一般產品能夠更徹底咁吸走地面窿窿罅罅嘅灰塵同埋污糟野。配合不停轉動既滾輪刷，除左地面既灰塵外，就可以更容易吸走縫隙間的碎屑同隱藏在地毯中的灰塵。而且內建HEPA濾網，可過濾99.9%的0.3微米過敏源。
但吸塵功能已經滿足吾到大家要求，因為好多時門口位鞋底既污漬，飯廳檯面濺到地面既油脂，風乾後都好難清潔。所以應運而生就係將吸塵和拖地二合一，Tapo RV30擁有300毫升水箱，足夠拖足高達2100平方呎，配合可以設定3段不同水量輸出調整，就可以解決不同房間磁磚或木地板吸水性。
而最要與傳統吸塵機分別，就係自動化智能導航系統，令到機械人識得自己喺間屋度遊走。市場上主要分了2類導航系統，包括陀螺儀或者LiDAR光學雷達導航，而Tapo RV30就同時採用左360°既LiDAR光學雷達 同 Gyroscope陀螺儀 雙導航系統，黎準確繪製出您的家中地圖，避免遺漏和重複清潔，以及避開障礙物。因為光學雷達不受環境光線而影響，所以即使在黑暗中也能正常工作。
整個掃拖過程，都會自動紀錄機械人實時定位，即時查看掃拖機械人既位置。完成第一次既全屋掃描後，可以透過Tapo APP查先行走左嘅平面圖，咁之後就可以指定房間或區域，進行獨立清掃。另外，更可以標記虛擬牆和禁區，防止進入兒童遊戲區等。
RV30由於使用左光學雷達偵測360度不同的家具，所以碰撞次數都非常少，而且RV30已經規劃行走路徑，加上之字形路線，可以覆蓋超過90%以上面積，就算咁密集既灰塵，都可以打掃拖得一乾二淨。
而機械人既機身高度都非常重要，因為E家裝修好多時都留空C字櫃既底部黎放置常著既鞋，RV30 連頂部的光學雷達掃瞄器都係9.5cm，比市場上其他有LiDAR光學雷達的款式都更為纖薄，無論床底、沙發、電視櫃下方都來去自如。而且RV30支援攀爬功能，抽翻過2cm門檻或爬上厚地毯進行清楚，如果去地毯嘅話，RV30 更會自動加強吸力，確保維持住最佳嘅吸塵效果。
此外，Tapo RV30 支援 Google Assistant 語音控制，可以用簡單指令例如「叫 Tapo 早上 8 點半之後吸塵」、「叫 Tapo 開始打掃廚房」等語音指令。
吸完塵後，Tapo RV30 就會自動番回充電座。
TP-Link Tapo RV30 建議零售價: $2,499 ，而至於整合四公升容量超大密封集塵箱於充電座的 TP-Link Tapo RV30 Plus 建議零售價: $3,999!
