香港夜景成為iPhone 6s宣傳片的一幕。
【now.com】睇完Apple發布會，一如所料，玫瑰金iPhone 6s及6s Plus登場！後日（9月12日）下午3:01就有……得開始預訂，而9月25日會正式發售，香港和內地均為首賣地區，揀選於星期六起跑，相信可以救返唔少公司的F5掣。同時iPhone 6s及6s Plus的香港官方售價亦出爐！分別為港幣＄5,588及＄6,388起。
期待已久的玫瑰金登場！
9月12日（星期六）下午3:01開始預訂，iPhone 6s最細容量的16GB版售價港幣5,588元。
iPhone 6s Plus 16GB版售價港幣6,388元。
＄5,588同去年iPhone 6的開賣售價一樣，但今次好似更抵玩，因為Apple為了3D Touch，不只更新了軟體，硬件更配上專為量度極其細微的壓力變化而設計的電容式感應器，令iPhone 6s有更多手勢操控可以玩，例如上文提過以不同按壓力度，而有不同的選項的功能等。
「快速手勢」有助用家慳時間。
另一項新功能都幾有趣，不過比較少人提，就是「Live Photos」。Live Photos可以將動態和聲音相片，好似同錄Video一樣，但其實有了Live Photos就可以設置自己的動態背景圖為鎖定畫面，都幾得意呀！
可以將最美好的時刻化成動態影像成為鎖定畫面。
