【Now Sports】周日爆發意甲老牌球會對戰，由祖雲達斯迎戰拉素，祖雲達斯香港官方球迷會JOFCHK會長James指出老婦人今季問題不少，而談到這場大戰，相信愛隊有力與拉素打成均勢。
問：記者
James：祖雲達斯香港官方球迷會JOFCHK會長
問：祖雲達斯開季戰績一般，問題喺邊？
——進攻有量欠質，Final Third 嘅決策、最後一傳同埋門把握不足。
——基本數據唔差：禁區觸球意甲第4、角球最多、xGA 最低，中前場反搶僅次羅馬。
——防守、後場推進同高位逼搶都有良好基礎，杜格拉斯路爾斯近期表現亦唔錯。
——6場110次射門、9.80 xG、9個入球，入球符合xG。但量偏少，反映射門多但機會質素一般，唔能夠單純怪前鋒把握力。
——尤迪斯受傷令前場缺少個人突破同創造力；奧保禾夫杜奧表現值得留意。
——改善方向：要不等質升，要不等量變帶來質變。 等前場配合成熟、或尤迪斯復出，或者繼續靠高位逼搶，增加進攻機會。
——暫時唔擔心崩盤，球隊基礎仍然穩定，只係未能將場面優勢轉化成勝仗。
問：面對未輸過嘅拉素，估計戰況如何？
——拉素開季5勝1和，加度素嘅4-3-3運作成熟，進攻配合及效率較佳。
——祖記防守較穩，加上主場優勢，有能力限制拉素，甚至控制部分比賽。
——關鍵係中場爭奪、前場反搶同攻守轉換。
——祖記成功高位反搶可以製造機會，但逼搶失敗亦容易被拉素反擊。
——尤迪斯缺陣，祖記可能繼續出現攻勢多、實際威脅不足嘅問題。
整體而言，勢均力敵，祖記防守佔優，拉素進攻效率較好。
問：請預測比數。
1:1。
問：球迷會嚟緊有咩動向？
球迷會一直希望將香港本地文化，同祖記球迷文化元素結合，做一啲有自己特色嘅嘢。嚟緊我哋會以「懷念X 傳承」為主題，同本地插畫家合作設計，將一啲值得回味嘅球會回憶融入作品之中，亦希望將呢份情懷傳承落去。
之後會陸續推出一系列相關會員產品，希望帶畀球迷一啲有紀念價值、又有香港特色嘅作品。
【冠軍球迷會】
排名 球迷會 上周/本月積分
1 香港AC米蘭球迷會 4
1 Hong Kong Lions Club 4
1 曼城香港官方球迷會 4
1 多蒙特香港官方球迷會 4
1 熱刺香港 Lilywhite HK 4
1 祖雲達斯香港官方球迷會 JOFCHK 4
7 香港利物浦官方球迷會 2
7 皇家馬德里香港官方球迷會 2
7 巴塞香港官方球迷會 2
7 香港車路士官方球迷會 2
7 拜仁慕尼黑香港官方球迷會 2
7 香港曼聯官方球迷會 2
7 國際米蘭香港球迷會 2
7 阿仙奴香港官方球迷會 2
7 香港紐卡素官方球迷會 2
今輪焦點場次1 列斯聯VS曼聯
今輪焦點場次2 祖雲達斯VS拉素
祖雲達斯香港官方球迷會 JOFCHK
選擇1：列斯聯勝2:1
選擇2：和1:1
簡述：祖記攻勢多但效率不足；列斯聯主場佔優，曼聯不穩。
Hong Kong lions Club
選擇1：和1:1
選擇2：祖雲達斯勝2:1
簡述：列斯聯態勇主場可保不敗，祖記主場該可小勝拉素。
香港AC米蘭球迷會
選擇1：曼聯勝2:0
選擇2：祖雲達斯勝1:0
簡述：曼聯內亂後勢必反彈，拉素見底送祖雲3分。
皇家馬德里香港官方球迷會
選擇1：列斯聯勝1:0
選擇2：拉素勝2:0
簡述：紅魔屋漏兼逢連夜雨，拉素復興爭霸勢參與。
國際米蘭香港球迷會
選擇1：曼聯勝4:3
選擇2：拉素勝2:1
簡述：曼聯谷底反彈；拉素唞夠佔上風。
拜仁慕尼黑香港官方球迷會
選擇1：列斯聯勝2:1
選擇2：和1:1
簡述：曼聯近5場不勝反觀列斯近況不俗，拉素作客祖雲往績不俗。
曼城香港官方球迷會
選擇1：列斯聯勝2:0
選擇2：拉素勝2:0
簡述：列斯聯主場、拉素今季不敗。
香港利物浦官方球迷會
選擇1：曼聯勝2:1
選擇2：拉素勝3:2
簡述：拉素今季狀態好，列斯聯會被曼聯食住。
熱刺香港 Lilywhite HK
選擇1：和1:1
選擇2：祖雲達斯勝1:0
簡述：列斯聯主場硬淨，有望保持不敗。祖記強勢預期小勝。
巴塞香港官方球迷會
選擇1：和1:1
選擇2：拉素勝2:1
簡述：要曼聯反底，暫時未有計。意甲估拉素，因為狀態好。
多蒙特香港官方球迷會
選擇1：列斯聯勝2:1
選擇2：祖雲達斯勝1:0
簡述：曼聯狀態欠佳，祖記有主場優勢。
阿仙奴香港官方球迷會
選擇1：和1:1
選擇2：祖雲達斯勝2:0
簡述：列曼近況相近和波合理；祖記主場可靠3分在望。
香港曼聯官方球迷會
選擇1：和1:1
選擇2：和1:1
簡述：保守估計。
香港紐卡素官方球迷會
選擇1：和1:1
選擇2：和1:1
簡述：紅魔士氣麻麻似和波，外借嘅禾仔助祖記攞分。
香港車路士官方球迷會
選擇1：列斯聯勝1:0
選擇2：祖雲達斯勝2:0
簡述：曼聯軍心不穩，祖記主場秤先。
玩法：
估中勝負得2分 ，估中比數另得3分。
每周獲勝者，可獲「主場之利」決定下星期兩場焦點場次。
每月大結算，累計得分最多者成為「每月盟主」，鬥到最後由贏「每月盟主」次數最多的球隊，榮登「冠軍球迷會」。
