PSG征曼城前贏波壯行色

【Now Sports】巴黎聖日耳門周六在法甲收起個別主力，仍以3:1輕取勒芒，取得聯賽3連勝，為周中歐聯作客曼城壯行色。

歐洲兼法甲盟主PSG，開季出閘脫腳後愈戰愈勇，今仗即使先收起奧斯文丹比利及紐奴文迪斯，而杜爾、基化史基尼亞（Khvicha Kvaratskhelia）及域真亞先列後備，上半場仍憑比拿度射入12碼。易邊後9分鐘，勒芒一度由馬富達扳平。

PSG隨即調兵遣將，基化於61分鐘，即後備上陣後兩分鐘便入波，加上阿基奧治其後埋齋，以3:1獲勝，賽後6戰得11分排第5位，落後同日和波失分的榜首球隊摩納哥3分。

PSG周三將於歐聯作客曼城，後者因違反英超財務規例被裁定罪成，陣營瀰漫不安氣氛，而藍月周日更需要在英超與利物浦硬撼。