有隊友睇到呢個嘅我，覺得好窩心、好感觸。
(筆者提供)
【Now Sports】今次代表港隊出戰亞運，最難忘應該係面對中國同埋烏茲別克兩隊，都係參加世界盃嘅球隊，成功喺佢哋身上入到波，都曾經追平1:1。好似有少少證明到，其實就算面對強大嘅對手，我哋都做到，戰況唔會話太一面倒。
撰文：陳頌文
成個旅程都好開心，一嚟見番咁多好耐冇見嘅隊友同教練，再加上踢國際賽，就係大家真係一齊fight for the badge，有一個好確實嘅目標去做，比起平時踢聯賽分別好大。最難忘係最後一場波，有隊友話見到我原來踢波可以好有火，令我好感動。因為自己唔叻表現呢啲岀嚟 ，但係有隊友睇到呢個嘅我，覺得好窩心、好感觸。
另外，見到每一場波都有一大班球迷喺現場打氣，無論賽果係點，佢哋都嗌到最後1分鐘。好開心知道有一班keep住支持我哋嘅人。
講到亞洲同埋西方女足嘅踢波風格，感覺上西方比較節奏快，比較體力化，亞洲就比較技術型一啲。呢個trip學到嘅嘢好多，攞到少少經驗，同埋唔好放棄，就算賽果係輸緊，都繼續畀100%。
撰文：陳頌文
先後效力曼城青年隊、史篤城預備組、布力般流浪U21、AFC Fylde、Halifax，去年回歸布力般流浪。
本欄不定期上載
