【躉我講隊波】巴西老化踢出實際

【Now Sports】巴西殺入世界盃32強，周一遇上日本，森巴兵團未有安排傷癒的尼馬任正選，再次先任後備，由雲尼素斯、夏恩、古亞組成鋒線，日本則改踢5人防線。

撰文：懷AB（巴西擁躉）

兩軍上次交手，日本意外地在友賽反勝巴西，今場日本也佔得先機，憑佐野海舟勁射得手領先。森巴兵團半場落後，只是表現其實不錯，並在下半場加強壓力，防守繼續落力，完全控制戰局，由卡斯美路的強勁頭槌追平。

巴西一直佔較多控球，Vini在尼馬缺陣下，多次衝擊日本防線，並試過射門中柱，令球迷睇得騰騰震。尼馬未有再以超級殺手身份後備登場，反勝英雄是另一後備兵——馬天尼利。戰至補時6分鐘，由他射成2:1奠定勝局，巴西晉級16強。

巴西驚險反勝日本，雖然「實際足球」有料到，但陣容年華老去是不爭事實，多名年過30的球員已失去活力，被日本的跑動和速度，在上半場造成很大麻煩。當然，他們能夠堅持到最後，並最終獲勝的關鍵是經驗。尼馬必須盡快全面復出，令森巴球迷睇得安心。

撰文：懷AB

【躉我講隊波】由列強擁躉在每場比賽後講愛隊。