比寧咸有機會中場再鬥摩迪。
(©AFP)
【Now Sports】今屆世界盃已揭幕近1星期，過去幾日咁多場賽事，大家又睇咗幾多場呢？48隊相繼登場，今日就同大家講下，分組賽最後一組，相信係香港應該最多人關注嘅英格蘭對克羅地亞。
撰文：陳肇麒｜Now足球評述員
不是冤家不聚頭，英格蘭同克羅地亞經常喺大賽裡面碰頭，2018嘅世界盃，2021歐洲國家盃外圍賽，感覺上克羅地亞就如同英格蘭嘅剋星，每次遇上英格蘭都總有辦法取勝。
但今次英格蘭世界盃人腳名單粒粒皆星，哈利簡尼、比寧咸、薩卡、迪勤懷斯、歷高奧懷利及占士等，論人腳論年齡論經驗，相信好多人都感覺可以挑戰世界盃冠軍！
反觀克羅地亞方面，感覺上入選球員以老帶新，40歲摩迪同37歲佩利錫，兩名老將主宰克羅地亞中前場，配合防守曼城孖寶哥華傑治同法迪奧。呢一場比賽安排喺美國境內比賽，當地氣溫預計高達34度或以上，兩名老將體能上能否應付高溫下比賽，相信係呢場賽事焦點。
特別新聞報道：賽前英格蘭球隊裝備，包括練習衫褲鞋襪，被當地小偷偷去，即使警方起回部份裝備，但唔知呢次事件會唔會影響英格蘭備戰？即管睇下呢場L組關鍵之戰，邊隊可以打響頭炮！
世界盃L組 英格蘭VS克羅地亞
Now TV 618台18/6 04:00直播
Now TV 616台4K直播
