【Now Sports】加拿大歷來首場決賽周比賽上演在即，定居加拿大的網紅Sam，表示置身其中見證事情發生，感覺特別，但又不看好加國主辦賽事，會有聲有色。
Sam曾在多個媒體工作，並當過體育節目主持，如今人在加國經常穿梭不同省份，最能道出實況：「今屆有104場比賽，但係由以往一個國家主辦，成個環境、成個國家都有氣氛，到依家3個國家主辦係唔同。加拿大先天性最弱，足球排名係3個國家最低，雖然曾經主辦女子世界盃搞得唔錯，但始終唔同，今次唔容易。」
「城市投入度，真係得嗰兩個城市有少少，其他城市幾乎完全冇feel。」加拿大兩個主辦城市，溫哥華有7場，多倫多有6場，但主要是分組賽，兩個城市舉行的淘汰賽階段比賽，合計只有3場。「重要既比賽，無喺加拿大發生。」
現時定居卡加利的Sam，曾在溫哥華居住，親身見證當地籌辦世盃的經過：「經濟上好怕蝕錢，溫哥華曾經想退出。國際恐襲、大爆炸，令國際大型活動保安成本好高，hard cost無得減。至於FIFA畀番個城市嘅利潤，亦好有限。」
「明白點解喺加拿大，足球唔能夠盛行。足球發展係有改善，但始終同Ice Hockey、Baseball冇得比。喺美洲睇歐洲波最唔爽，係中午，唔通食brunch睇波？又撞返工時間，點睇？」
Sam直言現階段無計劃入場睇波，但應該會去Fanzone感受氣氛：「波飛太癲，我自己做節目都講過，將平民運動盛事化，俾人打卡。去溫哥華會約波友睇波，如果真係入場，一定唔會坐旅客位置，攞晒長鏡影相嗰啲。最好同瘋狂球迷一齊坐，當年（2011年）歐聯決賽睇曼聯VS巴塞隆拿，真正感受到現場睇波，沿途去溫布萊，氣氛已經冇得頂。」
「不過，喺呢個國家居住，睇住件事發生，感覺係特別。」
說到世界盃難忘回憶，他即時想起1994年：「決賽俾老豆嘈醒，本來係佢自己睇波，但我因為咁，鍾意咗足球。2002年亦好難忘，韓國隊一口氣殺入4強，仲要殺低嘅係意大利同西班牙，唔係弱隊。發覺同一顏色人種，原來可以咁勁。」
Sam坦言離開體育傳媒後，少了睇波，但仍選擇性關注，「幾年前高普帶利物浦贏英超，我都眼濕濕。」今屆，他支持英格蘭。「唔係因為當代邊個球員，同咩配搭，所有嘢講Bonding，以前香港一切都同英式有關，同埋睇好多英超。」
要他貼冠軍，他即耍手擰頭：「唔敢估，屆屆都有幾隊突然殺出嚟。今屆FIFA明顯為收多啲錢整咁多隊，48隊，突然會有異軍殺出嚟，我反而驚，16強唔會剩番好多傳統勁旅。」
對於今屆有多名老將參賽，Sam認為不是好事：「舊嘅唔落嚟，新嘅點上？美斯仲踢緊？上一屆功德圓滿啦。C朗係球壇郭富城，而佢無攞過世界盃，佢心態我就明白。」
【一生一世盃】，睇波美好回憶，可以係一生一世。決賽周前訪問不同界別球迷，分享睇世盃的難忘回憶，以及對今屆賽事的睇法。
相關文章：
【一生一世盃】摩迪係一種精神信仰
https://sports.now.com/home/news/details?id=39644866530
【一生一世盃】與洛杉磯有約
https://sports.now.com/home/wc2026/news/details?id=39644866501
【一生一世盃】巴西現場採訪見證冇飛球迷衝入場
https://sports.now.com/home/wc2026/news/details?id=39638929183
【一生一世盃】獲C朗贈獎牌女球迷：出發到美國！
https://sports.now.com/home/wc2026/news/details?id=39637131351
【一生一世盃】女球迷為迪恩尼捧蘇格蘭
https://sports.now.com/home/wc2026/news/details?id=39629112813
【一生一世盃】施寶盛：狂牛傳接仍屬世界級
https://sports.now.com/home/wc2026/news/details?id=39623502031
【一生一世盃】狂迷上屆現場追睇法國
https://sports.now.com/home/news/details?id=39621563987
【一生一世盃】余德丞撐簡尼
https://sports.now.com/home/wc2026/news/details?id=39621021858
【一生一世盃】嫁著馬騮隨山走
https://sports.now.com/home/wc2026/details?id=39616300974
【一生一世盃】劉舜文：最想同路維睇波
https://sports.now.com/home/wc2026/details?id=39613823882
【一生一世盃】居港西班牙人：決賽周兩邊飛
https://sports.now.com/home/news/details?id=39606745542
【一生一世盃】馬評人CP難忘與故友
https://sports.now.com/home/news/details?id=39601023934
【一生一世盃】植詠珊：最想約螢花隊友睇波
https://sports.now.com/home/news/details?id=39597496200
