大埔成為高級組銀牌及足總盃雙冠王
(球會官網圖片)
【Now Sports】大埔憑陳肇鈞上半場梅開二度，最終以2：1擊敗尾段憑12碼「破蛋」的東區，捧走足總盃成雙冠王之餘，亦獲得來屆亞洲賽參加資格。
上半場4分鐘，沈承賢於禁區右路快射中遠桂不入。14分鐘，陳肇鈞接應加比爾的罰球二傳近門撞入，大埔領先1：0。31分鐘，東區有反擊機會，里奧推足半場後於禁區頂射斜。補時階段，帕特華維迪撞射被保羅擋出，但陳肇鈞近門補中為大埔領先2：0完半場。
下半場48分鐘，安迪禁區右路勁射被盧兆崎撲出。之後東區積極施壓，但欠埋門一腳。85分鐘，東區經VAR覆核下獲得12碼，華倫天奴操刀射入協助東區「破蛋」，比賽亦進入高潮。89分鐘，華倫天奴把握大埔犯錯射空門被對手白界前解圍。補時階段，顧斌主射禁區頂偏左罰球被盧兆崎撲出底線。98分鐘，保連奴為大埔博得12碼，但馬高斯山度士主射中楣不入，但無阻球隊力保勝果至完場。
大埔今季未能衛冕聯賽，但繼贏得高級組銀牌冠軍後，如今再奪足總盃錦標，最終成為本土盃賽雙冠王。
大埔主帥李志堅承認季後有多人離隊：「畢竟球隊在亞洲賽有好表現，球員有好機會都為他們開心。不過我們亦會積極，為下季做好準備，一方應付雙線作戰，另一方面代表香港踢好亞洲賽。」據堅Sir透過，落實留隊的包括陳肇鈞、謝家榮、盧兆崎、王顯琛、李家豪及費蘭度等本地球員，外援則有加比爾、伊高沙托尼及韋法頓等。
