陳浩源自言由「臨時主席」變「正式主席」。
(官方圖片)
【Now Sports】香港輪椅羽毛球運動員陳浩源獲正式委任為世界羽聯（BWF）殘疾運動員委員會主席，同時出任BWF理事會理事，成為首個擔任該職務的香港殘疾運動員。
40歲的陳浩源是男子WH2級別單打的東京奧運銅牌得主，去年巴黎奧運摘銀後宣告退役。他自2017年起成為BWF殘疾運動員委員會成員，由於上任委員會主席Richard Perot今年4月獲選為副會長，BWF最終決定委任他暫代主席一職，直至本月底換屆選舉，這名兩屆殘奧獎牌得主亦由「臨時主席」變「正式主席」。
陳浩源正式「坐正」後在社交平台留言表示，「喺未來四年時間，將會繼續以『世界羽毛球聯會理事會理事』以及『世界羽毛球聯會殘疾人士運動員委員會主席』兩個身份去服務以及回饋羽毛球界別。不單止要成為殘疾人士運動員同世界羽毛球聯會之間嘅橋樑，更可以為羽毛球喺全世界發展出一分力。」
這個香港十大傑出青年續謂，「特別令我驕傲嘅係，一位殘疾人士運動員，可以喺擁有數以百萬計嘅會員嘅運動聯會入邊，有份管理以及發展健全人士運動項目。我諗呢個不單止係香港殘疾人士運動員嘅一個新嘗試，更可以令到其他殘疾人士運動員望到，其實世界好大，我哋可以行得好遠。」
陳浩源最後表示，「近期特別攰，無論身心都好攰，但係我依然認為，體育以及運動係激勵人心嘅良藥，希望每位體育界嘅持份者，依然謹守自己崗位，做好自己本分，用我哋嘅專業，去為香港帶嚟一個有一個好嘅消息，凝聚一份有一份正面嘅能量。」
