Karri即將代表布力般出賽。
(筆者提供)
【Now Sports】由香港返到嚟英國呢幾個月，主要係香港返嚟之後加入Halifax，10月開始返大學生活，到依家就快12月，困難係喺球隊冇穩定嘅岀場機會，於是重返布力般流浪。
撰文：陳頌文
喺Halifax冇穩定嘅出場機會，係由於教練嘅戰術改用大腳長傳，並唔係我擅長嘅踢法，令到我表現冇其他球員咁好，爭取唔到正選落場機會。回歸布力般流浪，係球會向我招手，佢哋喺季初已經叫我返去踢，但因為已經簽咗Halifax，所以當時推咗。
佢哋keep住都有留意我嘅出場同埋表現，當見到我出場機會冇咁多，就聯絡我，問我有冇興趣返去踢。目標？都係最基本踢好自己水準，爭取機會。
布力般依家喺英乙，嚟緊星期日踢第一場比賽。我返到布力般著10號波衫，對個人冇乜特別意義，但感覺10號象徵lead住隊波嘅人，唔多唔少有少少壓力。其實只係咁啱獲派10號波衫，同埋可能自己踢嘅位置又係「10號位」。
依家校園生活大致同上年差唔多，可能學嘅比上年難咗，但係都應付到，相對可能係Assignment要花多啲時間，因為今年成績將影響Final year，但暫時冇話影響到踢波。
撰文：陳頌文
前港隊代表，先後效力曼城青年隊、史篤城預備組、布力般流浪U21、AFC Fylde、Halifax，現回歸布力般流浪。
本欄不定期上載
