哥頓從左路推大位轟入靚波。
(©AFP)
【Now Sports】紐卡素在周四英超拆禮物日，主場輕取早就人少打人多的阿士東維拉3:0。
紐卡素以伊薩、哥頓（Anthony Gordon）、積及梅菲組成三叉戟。阿士東維拉的前場組合為杜蘭、摩根羅渣士、麥堅。
開賽僅2分鐘，哥頓從左路推大位轟入靚波，紐卡素閃電開紀錄，而且之後一直佔優。維拉在32分鐘雪上加霜，杜蘭以雙腳粗野攔截舒亞被罰紅牌，紐卡素人多打人少，以1球優勢完半場。
易邊後，紐卡素繼續人多打人少，終在59分鐘拉開比數，積及梅菲接應妙傳，傳中予伊薩門前撞入埋，領先至2:0。紐卡素由祖亞寧頓完場前埋齋，大炒維拉3:0，自2023年9月後首次在英超3連勝。
紐記以18場29分升上第5位。維拉近況平平，以18場28分跌至第8位。
