積遜彭馬各入一球 車仔2：1拆「紐」

【Now Sports】車路士有尼高拉積遜及高爾彭馬上、下半場各入一球下，主場以2:1贏紐卡素。

周日車路士主場對紐卡素一戰，3分鐘主隊已有馬杜亞基接應尼高拉積遜短傳，右路左腳拉弓被接實：1分鐘後高爾彭馬一度將皮球送入網，但經VAR檢視後，由於越位在先入球無效。15分鐘柏度尼圖埋門被擋後，車仔終在18分鐘取得入球，柏度尼圖一次快攻左路傳中，積遜門前輕鬆一腳破網，車仔領先1:0。

紐卡素落後下積極反撲，20分鐘阿米朗右路左腳射遠柱不中目標；7分鐘後再次阿米朗埋門被救出。結果32分鐘賀爾出波，伊薩近距離入楔接應一射破網，追成1:1平手。尾段車路士有柏度尼圖遠射被樸比救出，雙方半場打成1:1返回更衣室。

下半場一開波車路士即有進帳，高爾彭馬接應拉菲亞傳送，左路射近柱得手，47分鐘領先2:1。車仔領先後未有放鬆，52分鐘馬杜亞基右路埋門被救出，其後古斯度遠射又高出。紐卡素戰至中後段先取回一定埋門，67分鐘舒亞直接主射罰球僅僅高出；76分鐘這名後衛近距離頭槌又不中目標。

車仔90分鐘有安官古禁區被侵犯，球證原指12碼，但VAR檢視後推翻判決，不過都無阻車仔保持勝局至完場，以2:1擊敗紐卡素。