杜廷入8強。
(港協暨奧委會)
【Now Sports】巴黎奧運乒乓球混雙16強賽，港隊組合黃鎮廷與杜凱琹力壓匈牙利組合晉級，黃鎮廷賽後承認有壓力，談到與西班牙組合爭入4強，他則表示往績互有勝負，信心不遜對手。
「杜廷」是以11:9、11:8、4:11、11:6及11:8，局數4:1獲勝，黃鎮廷賽後說：「首先我哋開局好順利，領先2:0，因為我哋係第一場比賽，有壓力非常緊張。我自己一路同阿杜講『有啲壓力添』，但係我哋喺場上面嘅調整能力都ok，不斷咁溝通。比賽中段嘅時候係有少少困難出現，但都可以及時解決。」
兩人在第5局一度落後，杜凱琹坦言自己當時發揮不好：「當時我打畀（對方）男仔嘅波，控制得唔好，廷哥冇機會上手，不過之後一分一分咁打上去。」
8強對手是西班牙組合美雪莉芙及羅比利斯，「廷哥」說：「我哋（之前）同佢哋打有贏有輸，但信心方面應該唔會輸比佢哋，點睇？依家準備休息，準備迎戰明日。阿杜朝早都要打（女單）。」
