【Now Sports】有理冇理,英格蘭再次踢入歐洲國家盃決賽周4強,領隊修夫基繼上屆後,再領軍攞到最少呢個成績,只可以講,你有你鬧,佢有佢行自己嗰套,悶悶地贏,總好過轟轟烈烈咁輸。 撰文:沙維斯達
咩係成功?當然贏得最後冠軍係每支球隊成功目標,但套用Mirror成員Alton王智德首《非物質文化遺產》歌詞,「成功係無法定義,放棄係失敗根源」,不如咁講,今日嘅三獅軍團係唔係成功,各人有定義,但肯定嘅係,放棄係失敗根源,「南閘」喺球隊失波後,㩒掣換人,再次神調,未有放棄,先至有追和情況。
4強面對荷蘭,一支場場入波唔少嘅對手,會唔會改變三獅軍團比賽中局勢,以修夫基之保守,除非開賽後早早落後,否則佢嘅成功定義就係穩陣。至於作為三獅球迷,睇住薩卡互射12碼時入波,由上屆決賽射失後,邊度跌低邊度企返起身,都算係一種安慰。
撰文:沙維斯達
從足球中搵下快樂同生活費