阿臻勢以小矮人擊倒巨人。
(香港體育學院)
【Now Sports】香港賽艇隊今日舉辦出征巴黎奧運的記招，賽艇港隊今屆只有趙顯臻出艇征奧，他今日亦於席上分享目標和備戰情況。
早前於世界盃奪冠的趙顯臻將出戰男單雙槳艇項目，同時是繼2016年里約奧運後再次征奧，更是由輕量級轉戰至公開組，直言是充滿挑戰。
阿臻受訪時稱此行征奧如小矮人打巨人般：「今次由輕量級轉戰至公開組，係一個越級挑戰。以前香港賽艇隊目標只放亞洲區，無諗過同歐洲選手對抗，佢哋太高太大隻，我哋亞洲人相對矮細，所以今次好似小矮人打巨人咁，希望用頭腦同技術以小打大，贏到佢哋。」
他笑言此行雖然是「以小打大」，但亦會在身型上再作調整：「因為上年亞運輸咗，我覺得唔夠重都係輸嘅原因之一，𠴱陣同我依加73公斤嘅體重一樣，所以我目標係增加到76公斤，咁樣會係一個比較理想嘅出賽體重。」
該位香港艇手亦有提及今次奧運的目標：「我希望可以為賽艇港隊創造歷史，破到香港紀錄，同埋今次真係想挑戰歐美艇手，再睇吓可以拎到咩名次，希望攞到前16、甚至前12名，呢個對於亞洲或香港已經係一個好唔錯嘅成績。」他續言：「雖然今次一個人去巴黎，但都無咩包袱，更加希望透過呢次攞到奧運嘅入場券，話畀我啲師弟妹知香港賽艇隊係有能力踏足奧運舞台。」，最後阿臻亦希望能夠出席本屆奧運的開幕禮，完成自己其中一個心願。
賽艇港隊總教練吳紀寧同時大談備戰計劃：「先喺香港做有氧訓練，之後本身會去高原嘅雲南訓練，但因為驚提升唔到個強度，所以經過考慮後決定到海拔較低嘅貴陽紅楓湖基地訓練，7月就再去比利時作最後準備。」他同時指阿臻會以設計先進的賽艇出賽，尤其新艇「食水更快」，相信是一大的優勢。
巴黎奧運開幕禮將於7月26日舉行，翌日便會上演賽艇項目。