4劍手已磨好利刃。
(香港體育學院)
【Now Sports】香港劍擊隊今日舉辦出征巴黎奧運的記招，4名香港劍手席上分享賽事目標和備戰情況。
劍擊港隊無緣本屆巴黎奧運的團體賽，但個人項目就有男花的張家朗及男重的何瑋桁、女重的江旻憓及女花的陳諾思，共4人往巴黎奧運進發。
張家朗上屆東京奧運取得男子花劍個人金牌，今次以衛冕身份出戰的他稱只想輕鬆打劍：「今年以衛冕身份出戰奧運，都係盡力發揮好自己就得，當普通比賽去打，就可以比較輕鬆咁去作賽，同埋多咗喺社交媒體同大家傾偈，希望可以透過呢個方法放鬆啲，好似同自己對話咁。」
女花的陳諾思（Daphne）轉戰成人賽1年多便如願征奧，Daphne指興奮大於緊張：「其實個感覺好神奇，第一次入到奧運好似發緊夢咁，唔係好知發生緊咩事，呢個係意料之外嘅事，但一定係興奮多過緊張，我會好好珍惜呢個4年一次嘅難得機會，因為唔知下屆有無份，今次有得去就盡力同享受打好每一劍，喺唔set目標下發揮最好嘅自己。」
常以眉開眼笑示人的「世一」江旻憓（Vivian），她受訪時笑言：「我依家世界排名第一我話我無咩目標，大家都唔會信㗎啦，都唔好意思話自己係志在參與啦， 但我嘅團隊即使病咗都會陪我一齊練，佢哋嘅壓力比我更大。」
Vivian談及本屆目標時稱：「無壓力無目標咁去打，會打得更加好，因為要贏嘅對手只有自己，而且我好想好想打出開心感動嘅每一劍畀大家睇。」
