伍家朗打破14個月的獎牌荒。
(Facebook截圖)
【Now Sports】港隊羽毛球男單代表伍家朗周日在泰國公開賽決賽不敵李梓嘉，屈居亞軍，卻是他14個月以來首度登上頒獎台。伍家朗賽後社交網站發長文，談及這段低潮期時直言慶幸沒有放棄，「低谷爬上嚟比贏到開巷更有意義」。
伍家朗2023年上半年贏得德國公開賽冠軍、6月打入台北公開賽4強，他認為這是生涯中最成功時期之一，惟下半年經歷多次「一輪遊」，他直言狀態為「斷崖式下降」。他說：「我波照練，比賽照打，對手都係嗰班人，咁點解半年前同半年後打出嚟既（嘅）成績會差咁遠？我真係解釋唔到。我身邊既（嘅）人都應該好清楚我哩11個月既（嘅）心情係點，對自己無限質疑，成日喺訓練上都承受好大壓力，情緒都唔係幾穩定。」
對於這次泰國公開賽，伍家朗透露原本不抱期望，但最終輕裝上陣卻打出驚喜，而首圈擊敗安東臣更被他形容為今年代表作。他表示：「我好慶幸喺低谷既（嘅）時候再難捱我都冇放棄自己，我認為跌落低谷爬得返上嚟既（嘅）感覺往往比贏到開巷更具意義，相信有過類似經歷既（嘅）人一定會明白，所以今次我肯定要俾（畀）個叻我自己！」