【Now Sports】247足球會今季升班至女子甲組作戰，於今日舉行發佈會，一眾職球員及主要贊助商24/7 Fitness均在席上。
上季女子乙組冠軍翱翔足球會，今季獲24/7 Fitness贊助下，易名247足球會參戰女子甲組聯賽，並雄心壯志簽入數名上屆冠軍傑志的球員，包括曾浩恩及韋珍妮等，更破天荒簽入2名巴西籍球員比雅達斯華及史提芬尼加比奧，是本地女足壇首次引入外援。
24/7 Fitness董事及行政總裁黃靜怡席上大談贊助原因：「近年我哋團隊入面好多運動員，好清楚知道喺香港做運動員係好辛苦，係好值得支持。女足本身未受到好多注目，希望今次略盡綿力幫到佢哋。」她亦透露今次有過百萬元贊助費，但成績只是其次，最希望球員可以開心及投入比賽。另外，行政總監趙俊傑席上對球會目標大有期望，稱短期內希望今季能躋身前4，長遠則冀望能於5年內征戰亞冠盃，將球會進一步轉型為職業球隊。
今季由女足班霸車路士足校轉投247的曾麗薇分享目標道：「我喺甲組都踢咗4年啦，而且啱啱完成亞運，出面嘅節奏真係好快，無辦法人哋係全職，我哋只係業餘，但開始見到女足有半職業球隊，希望日後可以愈嚟愈多，慢慢追上國際水平。」
同樣是新加盟247的韋珍娜，她透露離開女足勁旅傑志的原因：「我自己喺中三先去學踢波，能力自問唔夠好，即使去到傑志U18嗰陣仲可以踢到正選，但能力上比起傑志女足一隊仲有差距，令我上季喺傑志少咗落場時間，所有今季就決定離隊他投，希望爭取更多上陣機會。」
247教練團方面，今季有首次擔任領隊的劉學銘領軍，亦有主教練黎耀昌及門將教練鍾偉豪。劉學銘表示：「上年一直有做翱翔嘅助教，但第一次做女足隊領隊，其實個挑戰都幾大，要顧及訓練planning嘅細節比較多，唔同之前教小朋友嘅興趣班，同埋男女之間有分別，要比較照顧多啲佢哋嘅感受，都驚用男仔嗰標準去訓練佢哋會好辛苦。」他認為今季轉投半職業的港會是個契機，可以騰出更多空間兼任教練工作，並繼續向教練方向發展，他指現時持有香港足總D級教練牌照，正計劃考取亞洲足協C級教練牌照。
247足球會今季首場賽事將於10月21日，在青衣東北公園與沙田體育會女足交手。
