【Now Sports】世盃8強今晚開戰，Keyman馬啟仁對幾隊勁旅有何看法？最想哪隊殺入4強？
作為阿根廷球迷，雖然想球隊擊敗荷蘭晉級，但老實說絕不容易！橙衫軍絕對是勁旅，經驗老到之餘亦懂得如何保留實力，有別於小組賽時淡淡定，16強對美國時已展現不同精神面貌，開始上力準備好迎戰更強對手！加上前場後場都有大將，整體實力強橫。至於阿根廷，後防用老拍檔把關加上中場防守力亦足夠，事實上不易被擊敗，前場就比較依賴1、2名球員，眾星拱照美斯仔一人。所以個人認為阿根廷鬥荷蘭一役，雙方都難以射破對手大門，戰情可能非常膠著。8年前4強互射12碼分勝負的戲碼可能重演，到時點睇都唔安落……
英法大戰方面，三獅實力上稍弱一點，始終法國的殺著較多，又有大勇的安巴比在陣。不過鍾情英超的我可以話「睇住班三獅大」，看到他們在聯賽中成長，確實有點情意結想他們出線。希望英格蘭可以爭氣吧！而且法國攻力雖強，但防守未至於滴水不漏，英軍腳踏實地的話應該有機會以弱勝強。
至於克羅地亞與巴西的大戰，個人寧願巴西擊敗對手晉級。始終他們與阿根廷是世仇，假若4強對碰一定好看好刺激！比賽中又可以看到尼馬美斯重逢，亦是話題之一。如果真的上演南美大戰，縱使巴西攻力強勁，近年又崇尚快樂足球，夠晒好睇；但阿根廷亦擊敗過他們，雙方實力相約勢惡鬥難免，所以我寧願最強對最強，仲正！
馬啟仁簡介：
著名體育評述員、主持人及演員，擅長講波之餘亦鍾意落場踢埋一份！對足球情有獨鍾，追隨韋斯咸多年亦是阿根廷國家隊球迷，睇世界盃點可以無佢份！