C朗、般奴慶祝入球。
(©AFP)
【Now Sports】周一世界盃H組次輪，葡萄牙以2:0擊敗烏拉圭，2戰全勝提早殺入16強。
葡萄牙再次由基斯坦奴朗拿度掛帥，配合祖奧菲力斯、賓拿度施華、般奴費蘭迪斯（Bruno Fernandes）。烏拉圭變陣踢3-5-2兼收起蘇亞雷斯，由卡雲尼與達雲紐尼斯合組雙箭頭。
上半場，葡萄牙在形勢上稍為佔優，但烏拉圭在32分鐘取得首個精采埋門鏡頭，比坦古亞由後場盤球至禁區頂，突然轉向從兩名守將之間推過，惟單刀起腳被出迎的迪奧高哥斯達救出。42分鐘，葡萄牙左閘紐奴文迪斯重返正選卻受傷，離場時忍不住落淚，似乎傷勢嚴重。兩軍以0:0完半場。
葡萄牙在52分鐘打快攻，菲力斯在左路窄位射斜，2分鐘後，般奴在左邊K角位傳入禁區，C朗跳頂但未能觸及，皮球直飛入網，領先1:0。烏拉圭努力反撲，但麥斯高美斯在禁區邊射中楣，之後又有阿蘇門前接應罰球，轉身抽射斜出。烏拉圭未能追平下，般奴在補時3分鐘通荷西占美尼斯大細，後者倒地時於禁區犯手球，般奴親自操刀12碼得手，葡萄牙奠定勝局。般奴差點上演帽子戲法，可惜射中柱，但無阻葡萄牙以2:0擊敗烏拉圭。
葡萄牙全取3分，2戰2勝以6分排榜首，提早拿下16強席位，加納以3分列次席，烏拉圭、韓國各得1分。