【Now Sports】足球從來不是成年人的專利，像足球小女將溫子柔年紀輕輕，已不乏世界盃難忘回憶，擁戴上屆神射手哈利簡尼。
「一諗起世界盃，就即刻聯想法國隊，我係喺2018年開始睇世界盃。」現屬香港女子足球代表隊U14的溫子柔難忘上屆決賽：「記得我當時並唔係喺香港睇，去咗福田集訓，喺酒店度睇冠軍戰，見到兩隊都好勁，未去到最後一刻都唔放棄，呢種唔放棄精神，令我對世界盃產生好大興趣。 」
就讀協恩中學的子柔從小愛踢波，難得父母夠開明早就釐清「女仔踢波會變甲組腳」是個謬誤，支持仔女踢波，這位司職左翼的小港腳與足球不可分割：「平時都會同隊友講波經，通常講大家踢成點，覺得邊個最出色。」
作為熱刺及英格蘭隊長哈利簡尼的忠實粉絲，她今屆自然支持英格蘭並看好簡尼蟬聯金靴獎：「我好鍾意英格蘭，所有球員都好勁；最睇好哈利簡尼攞神射手，因為我覺得佢射門欲好強，同埋準繩度好高。」她坦言想透過世界盃學習球星球技，目標人物就是鎖定簡尼。
球迷在決賽周期間少不免捱夜，如何分配時間？「我一星期踢五日波，世界盃期間仲要練波、讀書、捱夜睇波，通常我練完波再做功課，做完功課溫咗書再睇波，有信心應付到。」決賽周開戰在即，她表示最想同屋企人睇：「因為屋企人同我一樣都鍾意睇波，同屋企人一齊睇，氣氛會好啲。」
下期預告：
09/11 幕後女工作人員，如何「備戰」決賽周
相關文章：
【一生一世盃】新丁KK眼中三大美男
https://sports.now.com/home/wc2022/news/details?id=37269461628
【一生一世盃】田雞：同星爺睇完波拍《少林足球》
https://sports.now.com/home/news/details?id=37268491720
【一生一世盃】資深體記：現場睇法國圍揪巴西
https://sports.now.com/home/news/details?id=37256536010
【一生一世盃】大佬孝：諗過剪河童頭
https://sports.now.com/home/news/details?id=37218976745
【一生一世盃】集圖發燒友的摯愛
https://sports.now.com/home/news/details?id=37212954906
【一生一世盃】英格蘭，還是撐 / 唱下去
https://sports.now.com/home/news/details?id=37212954904
【一生一世盃】，睇波回憶，當然可以係一生一世，本欄由筆者或被訪者分享這個大賽嘅睇波難忘經歷，或對今屆賽事嘅睇法。
