般奴宴客。
(©AFP)
【Now Sports】曼聯於周六英超主場出擊，在末段失守兼有般奴費蘭迪斯射失12碼，以0:1不敵阿士東維拉。
剛於英聯盃出局的曼聯有基斯坦奴朗拿度回歸掛帥，身後為美臣格連活、般奴費蘭迪斯（Bruno Fernandes）、普巴。阿士東維拉排出5-3-2主守陣式，由奧利屈堅斯、丹尼京斯在前場爭入球。
維拉在16分鐘創造一次漂亮組織，可是泰格近門炒高。紅魔的進攻乏力，C朗在前場未能獲得足夠供應。補時3分鐘，般奴開出野球，華拉尼在近柱二傳，普巴反應稍慢，僅能撞斜，兩軍以0:0完成上半場。
61分鐘，普巴在左路以右腳盪射遠柱上角，僅僅高出。8分鐘後，屈堅斯發難，切入中路連過華拉尼、麥湯文尼後勁射，迪基亞及時撲出。88分鐘，杜格拉斯路爾斯開出靚罰球，侯斯插水式頂入，維拉先開紀錄。兩分鐘後，侯斯在禁區犯手球，由功臣變罪人，但般奴主射12碼竟炒高，曼聯以0:1負予維拉。